അപശ്രുതി

പാടം പൂത്തകാലം പാടാന്‍ വന്നു നീയും

2009-04-24T00:37:00.000-07:00

ചിത്രം എന്ന ചിത്രത്തിലെ എംജി ശ്രീകുമാര്‍ പാടിയ പാടം പൂത്ത കാലം എന്ന ഗാനം അപശ്രുതിയോടെ പാടിയത്

ഗാനരചന: ഷിബുചക്രവര്‍ത്തി
സംഗീതം കണ്ണൂര്‍ രാജന്‍
പാടിയത് എംജി ശ്രീകുമാര്‍
ചിത്രം ചിത്രം

പാടം പൂത്ത കാലം...പാടാന്‍ വന്നു നീയും.

ഡൌണ്‍ലോഡ് ലിങ്ക് ഇവിടെ

ചോരവീണമണ്ണില്‍നിന്നുയര്‍ന്നു വന്ന പൂമരം

2009-03-01T23:17:00.000-08:00

“ചോര വീണ മണ്ണില്‍ നിന്നുയര്‍ന്നു വന്ന പൂമരം”,അനില്‍ പനച്ചൂരാന്റെ വളരെയധികം ഹിറ്റായ ഒരു കവിത. അറബിക്കഥയെന്ന സിനിമയില്‍ക്കൂടി മലയാള സിനിമാഗാനശാഖയിലേക്ക് കടന്നുവന്ന അനില്‍ പനച്ചൂരാന്റെ വരികള്‍. ഇന്ന് ഇടതുപക്ഷ പ്രസ്ഥാനങ്ങള്‍ തങ്ങളുടെ എല്ലാ പരിപാടികളിലും സ്ഥിരം ഉള്‍പ്പെടുത്തിക്കൊണ്ടിരിക്കുന്ന കവിത.. അതൊന്നു ചൊല്ലിനോക്കിയത്. പനച്ചൂരാന്റെ ശബ്ദഗാംഭീര്യം ഈ കവിതയുടെ ഏറ്റവും ശ്രദ്ധേയമായകാര്യം തന്നെയായിരുന്നു. ആ ശബ്ദഗാംഭീര്യം ഇവിടെ പ്രതീക്ഷിക്കരുതെ!! ഇത് ശിശുവിന്റെ ശബ്ദം..അണ്ണാന്‍ വാ പിളര്‍ന്നാല്‍ ആനയോളം വരുമൊ?

രചന,ആലാപനം: അനില്‍ പനച്ചൂരാന്‍
സംഗീതം: ബിജി ബാല്‍
ചിത്രം: അറബിക്കഥ

ചോര വീണ മണ്ണില്‍..

ആവശ്യമെങ്കില്‍ ഇവിടെനിന്നും ഡൌണ്‍ലോഡ് ചെയ്യാം..

പാട്ടിൽ ചില ഭേദഗതികൾ വരുത്തി ഒന്നുകൂടി അപ്‌ലോഡ്‌ ചെയ്തിരിക്കുന്നത്‌ ഇവിടെ കേൾക്കാം.

കോഴി (ചൊല്‍ക്കവിത)

2009-02-11T21:34:00.000-08:00

കടമ്മനിട്ടയുടെ കോഴി എന്ന കവിത ചൊല്ലിനോക്കിയത്. അഭിപ്രായമറിയിക്കുക!

കോഴി (KOZHI)

type="application/x-shockwave-flash"
flashVars="titleString=Kozhi&soundURI=http://media.switchpod.com/users/newsura/Kozhi.mp3"
pluginspage="http://www.adobe.com/go/getflashplayer">

കവിത ആവശ്യമെങ്കില്‍ ഇവിടെനിന്നും ഡൌണ്‍ലോഡ് ചെയ്യാം!

ചങ്ങമ്പുഴയുടെ “എന്റെ കവിത”

2009-01-11T21:30:00.000-08:00

അപശ്രുതിയില്‍ ഒരു കവിതചൊല്ലുന്നു. ചങ്ങമ്പുഴയുടെ “എന്റെ കവിത” എന്ന കവിത. ശിശുവിനാല്‍ കഴിയുംവിധം നീതിപുലര്‍ത്താന്‍ ശ്രമിച്ചിട്ടുണ്ട്. പക്ഷെ കേള്‍വിക്കാരാണല്ലൊ അഭിപ്രായം പറയേണ്ടത്.. അഭിപ്രായം അറിയിക്കുമല്ലൊ!
ബ്രോഡ്ബാന്ഡ് യൂസേഴ്സിന് കവിത ആവശ്യമെങ്കില്‍ ഇവിടെനിന്നും ഡൌണ്‍ലോഡ് ചെയ്യാം!.

“എന്റെ കവിത“

ഡയല്‍ അപ്പ് യൂസേര്‍ഴ്സിനു കവിത ഇവിടെ നിന്നും ഡൌണ്‍ലോഡ് ചെയ്യാം.. (1.8 MB)സൌണ്ട് ക്വാളിറ്റിയില്‍ വ്യത്യാസമുണ്ടെങ്കിലും സൈസ് കുറവായതിനാല്‍ ഡൌണ്‍ലോഡ് ചെയ്ത് കേള്‍ക്കാന്‍ സാധിക്കുമെന്ന് കരുതുന്നു.

For Dial-up Users:

കവിതയുടെ വരികള്‍ :-

എന്റെ കവിത

ഇന്നോളം കാൽച്ചോടൊന്നു പിഴയ്ക്കാതാടിപ്പോന്നൊ-
രെന്നോമൽക്കവിതേ, നിൻ കാൽകളിന്നിടറുന്നോ?
എന്തിന്‌?-കലാബോധം തീണ്ടാത്ത കാലിപ്രായർ
നിൻതാണ്ഡവത്തിൻനേർക്കു നീരസം ഭാവിച്ചിട്ടോ?
അതിലത്ഭുതമില്ല, രാജഹംസത്തിൻ ലീലാ-
സദനത്തിലെ,സ്സുധാസാന്ദ്രമാനസത്തിലെ,
ഹേമപങ്കജമാദ്ധ്വീമാധുരി മാനിക്കുമോ
ചേർമണ്ണിൽജ്ജളൂകങ്ങൾ ചികയും പാഴ്ക്കൊറ്റികൾ?
പാടുവാനവയ്ക്കില്ല പാടവം,മതിമറ-
ന്നാടുവാ,നാകാശത്തിൽ സ്വച്ഛന്ദം വിഹരിക്കാൻ;
വെള്ളിമേഘങ്ങൾക്കിടയ്ക്കുദയപ്രകാശത്തി-
ലുള്ളുണർന്നോമൽച്ചിറകടിച്ചു കൂകിപ്പൊങ്ങാൻ;-
ആയത്തമാക്കാനഭിനന്ദനാർദ്രാശംസക-
ളായവയ്ക്കഖിലേശനേകിയില്ലനുഗ്രഹം!
അതിനാലസൂയതന്നത്യഗാധതയിൽനി-
ന്നുയരാം സ്വയം,വ്യക്തിവിദ്വേഷധൂമാംശങ്ങൾ.
കപടസ്സന്ന്യാസത്തിൻ വെള്ളയാദർശം ചുറ്റി-
ക്കരളിൽക്കറയേന്തി മൗഢ്യമൂർത്തികളായി
മനസ്സാൽ,വാക്കാൽ,കർമ്മശതത്താൽ നിർലജ്ജമീ
മഹിയിൽ 'മഹാത്മാ'ഖ്യയെബ്ബലാൽസംഗം ചെയ്‌വാൻ,
ഉണ്ടാകാം ചിലരെല്ലാം ഗാന്ധിസൂക്തികൾ തങ്ക-
ച്ചെണ്ടിട്ടൊരിക്കാലത്തും കവിതേ, ക്ഷമിക്കൂ നീ!
ഇടയൻ പുല്ലാങ്കുഴൽവിളിക്കെ,ക്കത്തിക്കാളും
ചുടുവെയ്‌ലതേറ്റേറ്റു പൂനിലാവായിപ്പോകെ;
ആയതിൻ തരംഗങ്ങളുമ്മവെച്ചാനന്ദത്താ-
ലാലോലലതാളികൾ മൊട്ടിട്ടു ചിരിക്കവേ;
മയിലാടവേ, മരക്കൊമ്പുകൾതോറും നിന്നു
മലയാനിലൻ മർമ്മരാശംസ വർഷിക്കവേ;
കുറ്റിക്കാടുകൾക്കുള്ളിൽക്കശ്മലസൃഗാലന്മാർ
പറ്റിച്ചേർന്നോ,രിയിട്ടു പുച്ഛിച്ചാൽ ഫലമെന്തേ?
ഇരുളിലുലൂകങ്ങൾ മുഷിഞ്ഞുമൂളീടിലും
സരസം വിണ്ണിൽപ്പൊങ്ങി രാപ്പാടിയെത്തിപ്പാടും.
എന്നോമൽക്കവിതേ, നീയിടറായ്കണുപോലും;
നിന്നെയോമനിക്കുവാൻ കാത്തുനിൽക്കുന്നൂ കാലം.
ഇന്നു നിൻചുറ്റുമപസ്മാരത്തിൻ ഞെരക്കങ്ങൾ
നിന്നിടാം തത്തിത്തത്തി, നാളത്തെ പ്രഭാതത്തിൽ,
അവതൻ നേർത്തു നേർത്ത മാറ്റൊലിപോലും മായു;-
മവമാനിതയായ്‌ നീ മറുകില്ലൊരിക്കലും.
എത്രനാൾ നിഗൂഢമാ നിർലജ്ജപ്രചരണ-
ബുദ്ബുദവ്രാതം നിൽക്കും 'പുഴ'തന്നൊഴുക്കുത്തിൽ?
വിണ്ണിൽവെച്ചീശൻ നിന്നെയഭ്യസിപ്പിച്ചൂ, നീയീ
മന്നിൽ വന്നേവം വീണവായിക്കാൻ, നൃത്തംചെയ്‌വാൻ
ആരോടുമനുവാദം ചോദിച്ചല്ലതിനു നീ-
യാരംഭിച്ചിതു,മിത്രനാളതു തുടർന്നതും.
അതിനാ,ലേതോ ചില കോമാളിവേഷക്കാർ വ-
ന്നരുതെന്നാജ്ഞാപിച്ചാൽക്കൂസുകില്ലെള്ളോളം നീ.
നീയറിഞ്ഞിട്ടില്ലൊട്ടുമിന്നോളം പരാജയം;
നീയവഗണിക്കയേ ചെയ്തിടൂ പരിഹാസം.
ഏതെല്ലാം നെറ്റിത്തടം ചുളുങ്ങിക്കോട്ടേ, നീ നിൻ
സ്വതന്ത്ര്യപ്രകാശത്തിൽ സ്വച്ഛന്ദം നൃത്തം ചെയ്യൂ!
അലിവുള്ളവർ നിന്നെയഭിനന്ദിക്കും, കാലം
വിലവെച്ചീടും നിന്റെ വിശ്വമോഹനനൃത്തം.
നീയൊട്ടുമിടറായ്കെൻ കവിതേ-പറക്കുന്നൂ
നീളെ നിൻ ജയക്കൊടി- തുടരൂ നിൻനൃത്തം നീ!
ഹസ്തതാഡനഘോഷമദ്ധ്യത്തിൽ പതിവാണൊ-
രിത്തിരി കൂക്കംവിളി,യെങ്കിലേ രസമുള്ളൂ.
ഗുരുത്വം കെടുത്തുകില്ലക്കൂട്ടർ: മാഹാത്മാക്കൾ
ധരിപൂ പിതാമഹന്മാരുടെ പാരമ്പര്യം.
മർത്ത്യരാണിന്നെന്നാലുമുത്ഭവമോർമ്മിക്കണ്ടേ?-
മർക്കടങ്ങളെ,യത്ര പെട്ടെന്നു മറക്കാമോ?...

മറ്റുള്ളോർ ചവച്ചിട്ടോരെല്ലുകൾ തക്കം നോക്കി-
ക്കട്ടെടു,ത്തവ കാർന്നു ശൗര്യത്തിൻ ഭാവം കാട്ടി,
ഉല്ലസൽസുധാകരനുയരുംനേരം,കഷ്ട-
മല്ലിലാ ശ്വാനം പാർത്തുനിന്നെത്ര കുരയ്ക്കട്ടേ,
ഫലമെന്തതുകൊണ്ടു?- മേൽക്കുമേൽപ്പൊങ്ങിപ്പര-
ന്നലതല്ലിടും നിജ കീർത്തികൗമുദിയെങ്ങും!
ഇടറാ,യ്കിടറായ്കെൻ കവിതേ,സവിലാസ-
നടനം തുടരൂ നീ, വിശ്വമോഹിനിയായി!

-17-08-1941.

യഹൂദിയായിലെ ഒരു ഗ്രാമത്തില്‍

2008-12-15T11:25:00.000-08:00

സമാധാനത്തിന്റെ സന്ദേശവുമായി ക്രിസ്തുമസ് വരികയാണല്ലൊ?, ആദ്യമായി അപശ്രുതിയില്‍ ഒരു ഭക്തിഗാനം, ക്രിസ്തീയ ഭക്തിഗാനം. എല്ലാവര്‍ക്കും സമാധാനവും സന്തോഷവും ഈ ക്രിസ്തുമസ് തരട്ടെ എന്നാശംസിച്ചുകൊണ്ട് അപശ്രുതിമീട്ടി ആലപിച്ച ഒരു ശിശുഗാനം കൂടി സഹിക്കുക, അഭിപ്രായിക്കുക. യഹൂദിയായിലെ ഒരു ഗ്രാമത്തില്‍ എന്നുതുടങ്ങുന്ന ഗാനം..

ഗാനരചന & സംഗീതം : എ.ജെ. ജോസഫ്.
ആലാപനം : കെ.ജെ. യേശുദാസ്.
ആല്‍ബം : സ്നേഹപ്രതീകം.

യഹൂദിയായിലെ ഒരു ഗ്രാമത്തില്‍

പ്ലെയര്‍ വര്‍ക്ക് ചെയ്യുന്നില്ലെങ്കില്‍ ഇവിടെനിന്നും ഡൌണ്‍ലോഡ് ചെയ്യാം..

മെല്ലെ മെല്ലെ മുഖപടം തെല്ലൊതുക്കി.

2008-10-19T22:59:00.000-07:00

ഏകദേശം ഒരു വര്‍ഷത്തിനുശേഷം അപശ്രുതിയിലൊരു പാട്ട്.. ഒരുമിന്നാമിനുങ്ങിന്റെ നുറുങ്ങുവെട്ടം എന്നചിത്രത്തിലെ മനോഹരമായ ഒരു ഗാനം. ഞാന്‍ കൈവക്കുമ്പോള്‍ അതിന്റെ മനോഹാരിതക്ക് കോട്ടം വരുമെന്നത് സ്വാഭാവികമാണല്ലൊ? അതുകൊണ്ട് ക്ഷമയോടെ കേള്‍ക്കുമെന്ന് കരുതട്ടെ!.. അഭിപ്രായങ്ങള്‍ പ്രതീക്ഷിക്കുന്നു.

ചിത്രം :- ഒരു മിന്നാമിനുങ്ങിന്റെ നുറുങ്ങുവെട്ടം
ഗാനരചന :- ഓ.എന്‍.വി.കുറുപ്പ്.
സംഗീതം :- ജോണ്‍സണ്‍ മാസറ്റര്‍.
ആലാപനം :- യേശുദാസ്.

മെല്ലെ മെല്ലെ മുഖപടം തെല്ലൊതുക്കി.

പാട്ടുഡൌണ്‍ലോഡ് ചെയ്യാന്‍ ഇവിടെ ക്ലിക്കുക.

ചെമ്പകപ്പൂങ്കാവനത്തിലെ പൂമരച്ചോട്ടില്‍.

2007-10-07T23:33:00.000-07:00

വളരെ നാളുകള്‍ക്ക് ശേഷം അപശ്രുതിയില്‍ ഒരു പാട്ട്, എനിക്ക് വളരെയിഷ്ടമുള്ള ഒരു പഴയഗാനം. പരമാവധി ശ്രമിച്ചിട്ടുണ്ട്, എങ്കിലും..?? ഇതിന്റെ രചനയോ,സംഗീതമൊ, ഏത് ചിത്രത്തിലേതാണെന്നൊ അറിയില്ല, അറിയാവുന്നവര്‍ പറഞ്ഞുതരിക.
കേട്ടിട്ട് അഭ്പ്രായമറിയിക്കുമല്ലൊ?

ചെമ്പകപ്പൂങ്കാവനത്തിലെ പൂമരച്ചോട്ടില്‍..

പാട്ട് ഇവിടെ നിന്നും ഡൌണ്‍ലോഡ് ചെയ്യാം.

പാതിരാപ്പുള്ളുണര്‍ന്നു പര‍ല്‍മുല്ല കാടുണര്‍ന്നു.

2007-08-05T21:45:00.000-07:00

ഞാന്‍ എന്നും കേള്‍ക്കുന്ന, എനിക്കേറ്റവും പ്രിയപ്പെട്ട ഒരു ഗാനമാണ് പാതിരാ പുള്ളുണര്‍ന്നു പരല്‍ മുല്ലക്കാടുണര്‍ന്നു എന്നത്. ഇത് കേള്‍ക്കുന്ന ഓരോ നിമിഷവും ഞാനേതൊ ഉത്സവപ്പറമ്പില്‍ നില്‍ക്കുന്ന പ്രതീതിയാണനുഭവിക്കുന്നത്. തീവ്രമായ പ്രണയം മനസ്സില്‍ക്കൊണ്ടുനടന്നിരുന്നപ്പോള്‍ ഏറ്റവും കൂടുതല്‍ ആസ്വാദ്യകരമായി തോന്നിയിരുന്നു ഇതിന്റെ വരികളും സംഗീതവും. ഇപ്പോഴും എല്ലാ രാത്രിയിലും ഞാനീ ഗാനം കേട്ട് കിടക്കാറുണ്ട്.

എന്റെവക അപശ്രുതിയാകുമ്പോള്‍ ഗാനത്തിന്റെ വൈകാരികതക്ക് കോട്ടം സംഭവിച്ചെങ്കില്‍ മാപ്പ്. എന്ത് ചെയ്യാം ഇത്രയൊക്കെയേ കഴിയുന്നുള്ളൂ (എന്നാ പിന്നങ്ങ് നിര്‍ത്തിക്കൂടെ പരിപാടി?) ക്ഷമിക്ക സഹോദരാ അതിനെപ്പറ്റി ആലോചിച്ചുകൊണ്ടിരിക്കുകയാ!!

ഗാനരചന :- ഗിരീഷ് പുത്തഞ്ചേരി
സംഗീതം :- ജോണ്‍സണ്‍.
ആലാപനം:- യേശുദാസ്
ചിത്രം :- ഈ പുഴയും കടന്ന്.

പാതിരാ പുള്ളുണര്‍ന്നു പരല്‍മുല്ല കാടുണര്‍ന്നു..

പാട്ട് ഡൌണ്‍ലോഡ് ചെയ്യാനാഗ്രഹിക്കുന്നവര്‍ക്ക് ഇവിടെ ക്ലിക്കാം.

പഴംതമിഴ് പാട്ടിഴയും ശ്രുതിയില്‍

2007-07-20T23:10:00.000-07:00

മലയാളസിനിമയില്‍ ഒരു വന്‍ വിജയമായിരുന്നു മണിച്ചിത്രത്താഴ് എന്ന സിനിമ. മധു മുട്ടം എന്ന പ്രഗത്ഭനായ തിരക്കഥാകൃത്തിന്റെ കഴിവുകള്‍ ശരിക്കും ഉപയോഗിക്കപ്പെട്ട സിനിമയായിരുന്നു മണിച്ചിത്രത്താഴ് എന്ന സിനിമ. തമിഴും കടന്ന് ഇപ്പോള്‍ ഹിന്ദിയിലെത്തിനില്‍ക്കുന്നു ഈ സിനിമയുടെ പ്രശസ്തി. ഈ സിനിമയിലെ എല്ലാ ഗാനങ്ങളും വളരെ ശ്രദ്ധിക്കപ്പെട്ടിരുന്നു. വരുവാനില്ലാരുമിന്നൊരുനാളും ഈ വഴിക്കറിയാമതെന്നാലുമിന്നും, ഒരു മുറൈ, പഴം തമിഴ് പാട്ടിഴയും എന്നീ ഗാനങ്ങളെല്ലാം സൂപ്പര്‍ ഹിറ്റുകളായിരുന്നു. പഴം തമിഴ് പാട്ടിഴയും ശ്രുതിയില്‍ പഴയൊരു തംബുരു തേങ്ങി എന്ന ഗാനമാണ് അപശ്രുതിയോടുകൂടി ഞാന്‍ പാടാന്‍ ശ്രമിച്ചത്. കേട്ടുനോക്കുക, അഭിപ്രായമറിയിക്കുക.

ഗാനരചന :- ബിച്ചു തിരുമല
സംഗീതം :- എം.ജി.രാധാകൃഷ്ണന്‍
ആലാപനം:- യേശുദാസ്.
ചിത്രം :- മണിച്ചിത്രത്താഴ്.

പഴം തമിഴ് പാട്ടിഴയും ശ്രുതിയില്‍

പാട്ടു ഇറക്കുമതി ചെയ്യേണ്ടവര്‍
ഇവിടെ ഞെക്കിയിറക്കുക.

സുന്ദരീ നിന്‍ തുമ്പു കെട്ടിയിട്ട ചുരുള്‍മുടിയില്‍..

2007-07-12T10:55:00.000-07:00

ദേവരാജന്‍ മാസ്റ്റര്‍ സംഗീത സംവിധാനം നിര്‍വ്വഹിച്ച “ശാലിനി എന്റെ കൂട്ടുകാരി“ എന്ന ചിത്രത്തിലെ വളരെ പ്രശസ്തമായ ഒരു ഗാനമാണ് അപശ്രുതിയുടെ അകമ്പടിയോടെ ഞാന്‍ പാടുന്നത്. ‘സുന്ദരീ‍... നിന്‍ തുമ്പു കെട്ടിയിട്ട ചുരുള്‍മുടിയില്‍, തുളസിത്തളിരില ചൂടി‘ എന്നുതുടങ്ങുന്ന ഗാനം.

ഗാനരചന:- എം.ഡി.രാജേന്ദ്രന്‍.
സംഗീതം :- ദേവരാജന്‍ മാസ്റ്റര്‍.
പാടിയത്:- യേശുദാസ്.
ചിത്രം :- ശാലിനി എന്റെ കൂട്ടുകാരി.

സുന്ദരീ... നിന്‍ തുമ്പു കെട്ടിയിട്ട|Sundharee nin thumbu kettiyitta

ഡൌണ്‍ലോഡ് ചെയ്യേണ്ടവര്‍
ഇവിടെ ഞെക്കുക.

പിരിയാന്‍ വയ്യ മോളെ...പക്ഷെ (കവിത ചൊല്ലല്‍)

2007-07-05T12:20:00.000-07:00

അപശ്രുതിയില്‍ ഒരു കവിത കൂടി.. ശ്രീ ജി.മനുവിന്റെ “പിരിയാന്‍ വയ്യ മോളെ...പക്ഷെ“ എന്ന കവിത. ഇത് ജീവിത രേഖകള്‍ എന്ന ബ്ലോഗില്‍ വന്നതാണ്. വായിക്കാത്തവര്‍ക്ക് ഇവിടെ നിന്നും വായിക്കാം.

സ്വന്തം മകളെ റെയില്‍‌വേ സ്റ്റേഷനില്‍ പിരിയുന്ന ഒരു പ്രവാസിയായ അച്ഛനെയാണ് കവി പകര്‍ത്തിയിരിക്കുന്നത്. പിരിയുന്നവേളയിലെ മകളുടെ പരിഭവങ്ങളും അച്ഛന്റെ ഉപദേശങ്ങളും ശ്രീ മനു വളരെ ഹൃദ്യമായി എഴുതിയിരിക്കുന്നു.
“കാലത്തെയെഴുന്നെറ്റു കോലായില്‍ വരും കൊച്ചു
കുരുവിപ്പെണ്ണിനേയും സ്നേഹിക്കാന്‍ പടിക്കണേ..”
എന്ന വരികളിലെത്തുമ്പോള്‍ കണ്ണുനിറഞ്ഞുപോകുന്നു.വിഷാദം മുറ്റിനില്‍ക്കുന്ന ഇതിന്റെ സ്ഥായീ ഭാവത്തോട് ആത്മാര്‍ത്ഥത പുലര്‍ത്താന്‍ കഴിഞ്ഞൊ എന്നത് കേള്‍വിക്കാര്‍ക്ക് വിടുന്നു.

കഴിഞ്ഞകവിതാലാപനത്തിലെ ചില ഈണങ്ങള്‍ ഇതിലും കടന്ന് കൂടിയിട്ടുണ്ടോ എന്ന് സംശയിക്കുന്നു. ക്ഷമ നശിച്ചതിനാല്‍ തിരുത്തുവാന്‍ മുതിര്‍ന്നില്ല. അഭിപ്രായമറിയിക്കുക.

കുളിര്‍ക്കാറ്റിളക്കും നിന്‍|kulirkaatiLakkum nin

പ്ലെയര്‍ കേള്‍ക്കാന്‍ കഴിയാത്തവര്‍
ഇവിടെ നിന്നും ഡൌണ്‍ലോഡ് ചെയ്യുക.

കസ്തൂരി മാന്‍‌മിഴി മലര്‍ശരമെയ്തു

2007-06-24T23:32:00.000-07:00

ജയന്‍ മലയാള സിനിമയിലെ ഒരു വിസ്മയമായിരുന്നു. അകാലത്തില്‍ പൊലിഞ്ഞുപോയ വിസ്മയം. അതുവരെ മലയാള സിനിമയില്‍ കാണാതിരുന്ന, ശ്രമിക്കാതിരുന്ന പല കാര്യങ്ങള്‍ക്കും ജയന്‍ ഒരു നിമിത്തമായി. ചെറുപ്പക്കാരുടെ ഹരമായിരുന്നു ജയന്‍. മരിച്ചതിനു ശേഷവും ജനങ്ങള്‍ക്കിടയില്‍ ഇത്രമാത്രം തരംഗം സൃഷ്ടിക്കാന്‍ കഴിഞ്ഞൊരു നടന്‍ ഒരുപക്ഷെ ജയനോളം വേറൊരാള്‍ ഇല്ലതന്നെ. വളരെയടുത്തസമയം വരെ ജയന്‍ തരംഗം സജീവമായിനിന്നിരുന്നു.

ജയന്‍ അഭിനയിച്ച സിനിമകളില്‍ നല്ല ഗാനങ്ങളുണ്ടായിരുന്നു. അത്തരത്തിലൊന്നായിരുന്നു മനുഷ്യമൃഗം എന്ന സിനിമ. അതിലെ കസ്തൂരി മാന്‍‌മിഴി മലര്‍ശരമെയ്തു എന്നുതുടങ്ങുന്ന ഗാനം കേള്‍ക്കാത്തവരായി ആരും ഉണ്ടെന്നുതോന്നുന്നില്ല. മനോഹരമായ ഈ ഗാനം അപശ്രുതിയിട്ടു ഞാന്‍ പാടുന്നു, ക്ഷമിക്കുക!!

ഇതിന്റെയും രചനയും സംഗീതവും ആരെന്നറിയില്ല. ആലാപനം യേശുദാസ്.

കസ്തൂരി മാന്‍‌മിഴി മലര്‍ ശരമെയ്തു.

പാട്ടുകേള്‍ക്കാന്‍ കഴിയാത്തവര്‍ ഇവിടെ നിന്നും ഡൌണ്‍ലോഡ് ചെയ്യുക.
(Please right click and select target as to play this song)

മാളവിക മടങ്ങിപ്പോയി (കവിത ചൊല്ലല്‍)

2007-06-10T23:32:00.001-07:00

അപശ്രുതിയിലാദ്യമായി ഒരു കവിത ചൊല്ലാന്‍ ശ്രമിക്കുകയാണ്. ശ്രീ ജി.മനുവിന്റെ കല്ലുപെന്‍സില്‍ എന്ന ബ്ലോഗിലെ "ചിതറിക്കിടപ്പൂ നിന്‍ പൂവിരലടര്‍ത്തിയ മധുരം പൊതിഞ്ഞൊരാ മിഠായിക്കവറുകള്‍“ എന്ന കവിതയാണിത്. മാളവിക എന്ന സ്വന്തം മകളുടെ നാട്ടിലേക്കുള്ള മടങ്ങിപ്പോക്കിനെ കവിയായ പിതാവ് എങ്ങനെ അനുഭവിക്കുന്നു എന്നതാണ് ഈ കവിതയിലെ വിഷയം. വിഷാദം മുറ്റിനില്‍ക്കുന്ന ഇതിലെ ഓരൊവരികളോടും ആത്മാര്‍ത്ഥത പുലര്‍ത്താന്‍ കഴിഞ്ഞൊ എന്നതു കേള്‍വിക്കാര്‍ക്ക് വിടുന്നു.
ആദ്യത്തെ കവിതാലാപനമാണ്. അതുകൊണ്ടുതന്നെ അഭിപ്രായമറിയുവാന്‍ താല്പര്യമുണ്ട്, അറിയിക്കുമല്ലൊ?.

കവിത വായിക്കാത്തവര്‍ക്ക് ഇവിടെ നിന്നും വായിക്കാം

ചിതറിക്കിടപ്പൂ നിന്‍ പൂവിരലടര്‍ത്തിയ..

കവിത കേള്‍ക്കാന്‍ കഴിയാത്തവര്‍ ഒരു മെയിലയക്കുക, എം‌പി3 അവിടെ പറന്നെത്തിയിരിക്കും, സത്യായിട്ടും!!

റംസാനിലെ ചന്ദ്രികയൊ

2007-06-07T23:07:00.000-07:00

റംസാനിലെ ചന്ദ്രികയൊ, രജനീ ഗന്ധിയൊ
ജയചന്ദ്രന്റെ മറ്റൊരു ഗാനം കൂടി.
ഇതിന്റെ രചനയും സംഗീതവും ആരാണെന്നറിയില്ല,
അറിയുന്നവര്‍ പറഞ്ഞുതരിക..

Ramsanile Chandrikayo.

പാട്ടുകേള്‍ക്കാന്‍ കഴിയാത്തവര്‍ക്ക് ഇവിടെ നിന്നും ഡൌണ്‍ലോഡ് ചെയ്യാം.
Please right click and save target as to download this song.

കേര നിരകളാടും ഒരു ഹരിത ചാരുതീരം

2007-05-31T13:20:00.000-07:00

കേരളത്തിന്റെ മനോഹാരിതയെ‌ വര്‍ണ്ണിച്ച്കൊണ്ട് സമീപകാലത്തിറങ്ങിയ പാട്ടുകളില്‍ ഏറ്റവും മികച്ചതാണ്‌ ജലോത്സവം എന്ന സിനിമയിലെ "കേരനിരകളാടും ഒരു ഹരിതചാരുതീരം" എന്ന ഗാനം.

അതൊന്നു പാടാന്‍ ശ്രമിച്ചു:

ചിത്രം :- ജലോത്സവം
ഗാനരചന :- ബീയാര്‍ പ്രസാദ്‌
സംഗീതം :- അല്‍ഫോണ്‍സ്‌ ജോസഫ്‌
പാടിയത്‌ :- ജയചന്ദ്രന്‍

കേരനിരകളാടും ഒരു ഹരിതചാരുതീരം
Keranirakalaadum oru haritha chaaruthiiram

പ്ലെയര്‍ കേള്‍ക്കാന്‍ കഴിയാത്തവര്‍ക്ക്‌ ഇവിടെ നിന്നും ഡൗണ്‍ലൊഡ്‌ ചെയ്യാം.
please right click and save target as to download this song